“Manchester Siti” Premyer Ligadan chetlatilgan taqdirda, milliy kuboklardan ham chetlatilishi mumkin.
Fevralda Angliya Premyer Ligasi (APL) klubni 2009—10-mavsumidan 2017—18-mavsumigacha bo‘lgan davrda klubning daromadlari haqida noto‘g‘ri ma’lumot berishda, murabbiy va o‘yinchilarga bo‘lgan mukofotlar haqida to‘liq bo‘lmagan ma’lumot taqdim etishda va UEFA va Liga tomonidan moliyaviy qoidalarni buzishda aybladi. Tergov to‘rt yil davom etdi. Keyinroq mustaqil komissiya “Manchester Siti” tomonidan 115 ta qoidabuzarlik bo‘yicha tekshiruv boshladi.
Agar “shaharliklar” aybdor deb topilsa, jazolardan biri klubning ligadan tushib ketishiga sabab bo‘lishi mumkin.
The Telegraph nashrining yozishicha, APLdan chetlatilish “Manchester Siti”ni Angliya Kubogi va Angliya Liga Kubogidan ham chetlatilishiga olib kelishi mumkin.
Shuningdek, Chempionlar Ligasi va Klublar o‘rtasidagi Jahon Chempionatidagi ishtirokiga ham ta’sir o‘tkazishi mumkin. Biroq nashr bu haqida hech qanday dalil keltirmagan.
Izoh (0)