Gollivud aktrisasi Anjelina Joli AQSHning eng tajribali plastik jarrohlardan biriga murojaat qilishga majbur bo‘ldi, chunki uning o‘g‘li Paks Joli-Pitt tibbiy yordamga muhtoj.
Yulduzning merosxo‘rlaridan biri Paks joriy yilning iyul oyida elektr velosiped haydash vaqtida baxtsiz hodisaga uchradi. U uzoq vaqt kasalxonada davolandi va kuni kecha birinchi marta onasi bilan omma oldiga chiqdi. Yigitning peshonasidagi katta chandiq darhol internet foydalanuvchilarining e’tiborini tortdi.
“Joli o‘g‘lining yuzida hech qanday chandiq qolmasligiga ishonch hosil qilish uchun Los-Anjelesdagi eng nufuzli plastik jarrohdan yordam so‘radi. U farzandlari uchun barcha narsaga tayyor turadi. Anjelina shifokorga shaxsan o‘zi qo‘ng‘iroq qilgan va tibbiy maslahat olish paytida o‘g‘lining yonida bo‘lgan”, deb yozadi Daily Mail nashri.
Ma’lumot uchun, Paks Joli-Pitt yozda elektr velosiped haydash vaqtida yo‘l harakati qoidalariga rioya qilmagani sabab jiddiy avariyaga uchragan va shifoxonaga yotqizilgan. Paksning do‘stlari aytishicha, yigit hayotini xavf ostiga qo‘yib bo‘lsa-da, turli tryuklar qilishni yaxshi ko‘radi va haydash vaqtida ko‘pincha himoya shlemidan foydalanmaydi.
Izoh (2)
I love you
Mann. Muxlisingiz