Bugun, 18-sentabr kuni JCh—1990 ning eng yaxshi to‘purari va futbolchisi Salvatore Skilachi 59 yoshda vafot etdi. Italiyalik sobiq sportchi bir necha yil davomida yo‘g‘on ichak saratoni bilan kurashib kelgan.
Bir kun avval sobiq futbolchining oilasi uning kasalxonaga yotqizilganini ma’lum qilgandi. Shu bilan birga, Skilachining ahvoli barqaror va eng yaxshi shifokorlar nazorati ostida ekani ta‘kidlangan edi.
Ma’lumot uchun, Skilachi 1997-yilda faoliyatini yakunlagan. U “Yuventus” va “Inter” kabi Italiyaning top klublarida o‘ynagan.
1994-yilda futbolchi Yaponiyaning “Jubilo Ivata” klubiga o‘tdi va u yerda 1997-yilgacha o‘ynab, faoliyatini aynan shu klubda yakunladi.
1990-yilgi Jahon chempionatida Skilachi jamoasi bilan bronza medallarini qo‘lga kiritgan. Hujumchi so‘nggi bor Italiya terma jamoasida 1991-yilning 25-sentyabrida o‘ynagan.
1990-yilda futbolchi “Oltin to‘p” sovrinini ham qo‘lga kiritgan.
Izoh (0)