Futbol bo‘yicha Jahon chempionati 2-tur uchrashuvlariga start berildi. A guruhidan o‘rin olgan Kosta Rika va Niderlandiya terma jamoalari o‘rtasidagi uchrashuv bugun, 17-sentyabr kuni bo‘lib o‘tdi.
Uchrashuvning birinchi bo‘limi 6-daqiqasida Tevfik Seyar o‘z darvozasiga gol urib Kosta Rika jamoasini oldinga olib chiqdi. 19-daqiqada Said Buzambu hisobni tenglashtirdi. 21-daqiqada Ismoil Uddau Niderlandiyani oldinga olib chiqdi. 32-daqiqada Pablo Rodriges Kosta Rikaning ikkinchi goliga mualliflik qildi.
Uchrashuvning so‘nggi daqiqalarida Niderlandiya jamoasi o‘ynovchi darvozabonni tushirib, g‘alaba qozonishga harakat qilib ko‘rdi, ammo bu harakat samara bermadi.
Shu tariqa Niderlandiya jamoasi ikkinchi durang qayd etgan holda ikki ochkoga ega bo‘lib turibdi. Kosta Rika esa chempionatdagi dastlabki ochkosini qo‘lga kiritdi.
Ikkinchi turdan o‘rin olgan O‘zbekiston — Paragvay uchrashuvi bugun, 17-sentyabr kuni 20:00 da bo‘lib o‘tadi.
Izoh (0)