Buyuk Britaniya hukumati mamlakat chegaralari xavfsizligini mustahkamlash uchun 75 million funt sterling (100 million dollar) sarflaydi. Bu haqda Britaniya Ichki ishlar vazirligi rahbari Ivett Kuper ma’lum qilgan.
Qayd etilishicha, mablag‘lar yangi leyboristlar hukumati tomonidan tashkil etilgan Chegara qo‘mondonligi, politsiya va jinoyatchilikka qarshi kurash milliy agentligini moliyalashtirishga yo‘naltiriladi.
Departamentga ko‘ra, Konservativ hukumat tomonidan noqonuniy migratsiyaga qarshi kurashish chora-tadbirlari uchun ajratilgan qo‘shimcha mablag‘lar chegarachilar va tergovchilar sonini ko‘paytirish, shuningdek, kuzatuv, ma’lumotlarni yig‘ish va qayta ishlash bo‘yicha ilg‘or texnologiyalarni joriy etish imkonini berishi kutilmoqda.
“Jinoiy guruhlar chegaralarimiz xavfsizligiga putur yetkazmoqda, hayotimizni xavf ostiga qo‘ymoqda. Chegara qo‘mondonligi chegaralarimiz xavfsizligini mustahkamlash uchun migrantlar kontrabandasi va odam savdosi bilan shug‘ullanuvchi guruhlarga qarshi kurash bo‘yicha yondashuvni qayta ko‘rib chiqadi va modernizatsiya qiladi”, dedi Kuper.
Avvalroq Germaniya quruqlikdagi barcha chegaralarida vaqtinchalik nazorat punktlarini o‘rnatgani xabar berilgandi.
Izoh (0)