Kiyev NATOga qabul qilinmaguncha Ukrainada tinchlik bo‘lmaydi. Bu haqda NATO bosh kotibi Yens Stoltenberg Foreign Policy nashriga bergan onlayn intervyusida ma’lum qildi.
“Ukraina NATOning bir qismi bo‘lmasdan turib, mamlakatda tinchlik o‘rnatib bo‘lmaydi”, dedi Stoltenberg.
Biroq uning so‘zlariga ko‘ra, NATOga aʼzo davlatlar Ukrainani ittifoqqa taklif qilish bo‘yicha haligacha kelishuvga erishmagan.
Avvalroq Rossiya prezidenti Vladimir Putin, agar NATO davlatlari Kiyevga G‘arbning uzoq masofali qurollarini qo‘llashiga ruxsat bersa, bu alyansning Rossiya—Ukraina mojarosiga bevosita aralashuvini anglatishini aytgan edi.
Stoltenberg intervyuda alyans davlatlari Kiyevga Rossiya hududiga G‘arb qurollari bilan zarba berishga ruxsat bersa, NATO Ukrainadagi mojaroning bir qismiga aylanmasligini ta’kidladi.
“Biz mojaroning bir qismiga aylanamiz, deyish noto‘g‘ri”, dedi u va NATO Eron hamda Shimoliy Koreyani Moskvaga harbiy yordam yetkazib berayotgani uchun mojaroning bir qismi deb hisoblamasligini qo‘shimcha qildi.
Izoh (0)