O‘zbekistonda 17-sentyabr kuni asosan yog‘ingarchiliksiz ob-havo kuzatiladi, deya xabar bermoqda “O‘zgidromet”.
Maʼlum qilinishicha, Toshkent, Samarqand, Jizzax, Sirdaryo viloyatlari va Farg‘ona vodiysi viloyatlarining ayrim joylarida kechasi va ertalab qisqa muddatli yomg‘ir yog‘ishi mumkin.
18-sentyabrda respublika bo‘yicha yog‘ingarchilik kutilmaydi. 19-sentyabrda Buxoro, Navoiy, Toshkent, Samarqand, Jizzax, Sirdaryo, Qashqadaryo viloyatlarining ayrim joylarida qisqa muddatli yomg‘ir yog‘ishi mumkin.
20-sentyabrda O‘zbekistonning barcha viloyatlari bo‘yicha yog‘ingarchilik kutilmaydi. Havo harorati kunduzi 25-30 daraja, baʼzi joylarda 32 daraja issiq bo‘ladi. Kechalari 12-17 daraja iliq bo‘lishi kutilmoqda.
Shamol o‘zgaruvchan yo‘nalishda o‘rtacha tezlikda esadi, 16-sentyabrda shimolda va cho‘l hududlarining baʼzi joylarida 13-18 m/s gacha kuchayishi, ayrim joylarda chang-to‘zonlar bilan kuzatilishi mumkin. Tog‘oldi va tog‘li hududlarda 16—17-sentyabr va 19—20-sentyabr kunlari baʼzi joylarda qisqa muddatli yomg‘ir yog‘adi, baland tog‘larda yomg‘ir qorga aylanish ehtimoli bor.
Toshkent shahrida 17-sentyabrda kunning birinchi yarmida qisqa muddatli yomg‘ir yog‘adi. 18—20-sentyabr kunlari asosan yog‘ingarchiliksiz ob-havo kuzatiladi, faqat 19-sentyabrda qisqa muddatli yomg‘ir yog‘ishi mumkin.
Harorat kechalari 14-17 daraja iliq, kunduzi 26-29 daraja issiq bo‘ladi. Shamol o‘zgaruvchan yo‘nalishda 3-8 m/s tezlikda esadi, 16-sentyabrda 12-14 m/s gacha kuchayishi mumkin.
Izoh (0)