Futbol bo‘yicha Fransiya chempionatining 4-tur uchrashuvida “Lans” o‘z maydonida “Lion” klubini qabul qildi.
Uchrashuvning dastlabki daqiqalaridan harakat qilgan Abduqodir Husanov yakunda o‘yinning eng yaxshi o‘yinchisi bo‘ldi. Sababi aynan uning mehnatlari evaziga raqiblar “Lans” darvozasini ishg‘ol qila olmadi. Uchrashuvning birinchi bo‘limi 12-daqiqasi hamda ikkinchi bo‘limda mezbonlar darvozasi ishg‘ol etildi, ammo gol ofsayd sabab bekor qilindi.
Sofascore nashri o‘zbekistonlik himoyachining o‘yinini 7,8 ballga loyiq ko‘rgan.
Ushbu durangdan so‘ng “Lans” jamoasi ochkolari soni 8 ta yetgan va ular chempionatning 4-o‘rnida bormoqda. “Lion” jamoasi hisobida 4 ochko mavjud. Ular musobaqaning 12-o‘rnini egallab turibdi.
Ma’lumot uchun, Abduqodir Husanov kichik jarohat sabab KXDR va Qirg‘iston jamoalariga qarshi uchrashuvni o‘tkazib yuborgandi.
Izoh (0)