Yengil vazn toifasida UFC chempioni Islom Maxachev Konor Makgregorning oktagonga qaytishiga ishonmaydi.
“Bu endi fantastika. U o‘z so‘zlari bilan to‘lqinda bo‘lishga harakat qilmoqda. Lekin u mashg‘ulotlardan ko‘ra klublarda ko‘proq ko‘rinish bermoqda”, — deydi Maxachev.
Avvalroq UFC prezidenti Dana Uayt Konor Makgregor 2025-yilda oktagonga qaytishi mumkinligini aytib o‘tgandi.
Makgregor o‘zining so‘nggi jangini 2021-yilning yozida o‘tkazib, amerikalik Dastin Poryega texnik nokaut bilan yutqazgandi. Ushbu jangda irlandiyalikning oyog‘i singan va shu sabab jangni davom ettira olmagan edi.
Ma’lumot uchun, Maxachev ham so‘nggi bor UFC 302 turnirida Dastin Poryega qarshi oktagonga ko‘tarilgandi. Dog‘istonlik sportchi 5-raundda Poryeni bo‘g‘ish uslubida mag‘lub etgan edi.
Izoh (0)