Ijtimoiy tarmoqlarda ayollarning ust-bosh almashtirish xonasiga yashirin kuzatuv kamerasi o‘rnatilgani haqida xabarlar tarqaldi. Farg‘ona IIB holatga izoh berdi.
Maʼlum qilinishicha, holat Farg‘ona viloyati Pedogogik mahorat markazida bo‘lgan. Ushbu kuzatuv kamerasini esa mazkur markaz o‘qituvchisi o‘rnatgan.
“Ayni o‘sha xonaning kamerasi ishlamay qolgani sababli qo‘yilgan edi. Bunaqangi vahimali tarzda tarqaydi deb o‘ylamagan edim. U o‘quv xonasi edi. Markazimizda kiyinish xonasi mavjud emas. Bizning bir xatoyimiz kamerani ochiq o‘rnatmaganimiz. Bu darajada shov-shuv bo‘lib ketadi, deb o‘ylamagandim. Afsusdaman, uzr so‘rayman. Maqsadim dars jarayonini tinglovchilarga qay darajada yetkizilayotgani haqida maʼlumotga ega bo‘lish edi”, — deydi o‘qituvchi.
Hozirda holat yuzasidan Maʼmuriy javobgarlik to‘g‘risidagi kodeksning tegishli moddalariga asosan hujjatlar rasmiylashtirildi.
Izoh (0)