AKFA Aluminium o‘z tarixida ilk bor S&P Global agentligi tomonidan “B+/B” darajasidagi “Barqaror” prognozli kredit reytingini oldi.
Markaziy Osiyodagi yetakchi plastik va alyuminiy profillar ishlab chiqaruvchi va O‘zbekistondagi eng yirik xususiy sanoat kompaniyalaridan biri bo‘lgan AKFA Aluminium (AKFA) o‘z tarixida ilk bor S&P Global reyting agentligi tomonidan B+/B darajasidagi “Barqaror” prognozli kredit reytingini oldi. Katta uchlikka kiradigan kredit agentligidan kredit reytingini olish korporatsiyaning keyingi o'zgarishidagi muhim qadamdir.
S&P Global hisobotiga ko‘ra, AKFA O‘zbekistonning tez rivojlanayotgan qurilish materiallari bozoridagi yetakchi o‘rnini egallamoqda hamda yaxshi investitsiyalangan aktivlar bazasi va yuqori darajadagi avtomatlashtirilgan ishlab chiqarishga ega. Reyting kompaniyaning moliyaviy va tijorat holatini baholangandan so‘ng berildi.
S&P Global ekspertlarining ta'kidlashicha, AKFA o‘z ishlab chiqarish bazasini yangilash maqsadida so'nggi uch yil ichida taxminan 95 million AQSh dollari miqdorida kapital sarmoya kiritdi.
AKFA ALUMINIUM LLC yuqori boshqaruv standartlari asosida barqaror rivojlanish yo‘lida borib, xalqaro darajaga dadil ko‘tarilmoqda. "Barqaror" prognozli uzoq muddatli B+ va "barqaror" prognozli qisqa muddatli B reytingining berilishi kompaniya uchun muhim yutuq bo‘lib, dunyodagi eng nufuzli reyting agentliklaridan biri tomonidan yuqori darajadagi ishonchni tasdiqlaydi.
AKFA Aluminium Boshqaruv raisi Bahodir Abdullayevning ta’kidlashicha, ilk kredit reytingini qo‘lga kiritish kompaniya tarixida muhim voqea bo‘ldi.
“S&P Global tomonidan berilgan kredit reytingi kompaniyamizga o‘z biznesini kengaytirish, xorijiy sarmoyalarni jalb qilish va jahon bozoridagi o‘rnini mustahkamlash uchun yangi imkoniyatlar ochadi. Bundan tashqari, mazkur reyting kompaniyaga xalqaro kapital bozorlariga chiqish va keyingi o‘sish uchun zarur resurslarni jalb qilish imkonini beradi”, — dedi Bahodir Abdullayev.
O‘zbekistonda so‘nggi yillarda amalga oshirilgan biznes islohotlari mamlakatimizning yetakchi kompaniyalariga xalqaro moliyalashtirish imkoniyatlaridan foydalanish va tashqi bozorlarni o‘rganish imkonini berdi. Shu munosabat bilan AKFA Aluminium korporativ boshqaruv, moliyaviy hisobot va ESG sohalarida ilg‘or xalqaro tajribalarga amal qilish uchun o‘zining operatsion jarayonlarini muvaffaqiyatli qayta ko‘rib chiqmoqda.
Kompaniya haqida
AKFA kompaniyasi 2000 yilda tashkil etilgan. Ayni paytda AKFA O‘zbekiston va Markaziy Osiyo mintaqasida alyuminiy va PVX profillar ishlab chiqaruvchi eng yirik kompaniyalardan biri hisoblanadi. Bugungi kunda kompaniya korxonalarida 8 ming nafarga yaqin xodimlar faoliyat yuritmoqda. AKFA mahsulotlari AQSh, Kanada hamda Yevropa Ittifoqi, MDH va Yaqin Sharqning 30 dan ortiq mamlakatlarga eksport qilinadi.
Reklama huquqi asosida.
Izoh (0)