Buxoro viloyatida yashovchi Y.M. ichki ishlar organlariga murojaat qilib, bank kartasidan 16 mln 410 ming so‘m miqdoridagi pul mablag‘i nomaʼlum shaxs tomonidan o‘zlashtirilganligini maʼlum qilgan. Bu haqda Kiberxavfsizlik markazi xabar berdi.
Maʼlum qilinishicha, o‘tkazilgan tezkor-qidiruv tadbirlari natijasida, mazkur jinoyatni Qoraqalpog‘iston Respublikasida yashovchi A.J. sodir etgani aniqlangan.
Unga ko‘ra, A.J. Telegram orqali yolg‘on eʼlonlar ostida soxta havola jo‘natib kelgan. Bu eʼlonga ishongan Y.M.ning bank karta maʼlumotlarini qo‘lga kirib, ikkinchi foydalanuvchi sifatida ulanib olgan va uning hisobidagi 16 mln 410 ming so‘m miqdoridagi pulni o‘zining foydalanuvida bo‘lgan bank kartasiga o‘tkazib olib, ehtiyojlari uchun sarflab yuborgan.
Mazkur holat yuzasidan A.J.ga nisbatan Jinoyat Kodeksining 168-moddasi (firibgarlik) 3-qismi bilan jinoyat ishi qo‘zg‘atilgan.
Izoh (0)