Mett o‘zining YouTube kanalida 3D printerlar yordamida Lego Technics to‘plamini kengaytirmoqda. Blogerning kolleksiyasida allaqachon buldozer, kovshli kran va poyga mashinasi mavjud. Yaqinda u obunachilarga 8810- raqamli to‘plam asosida yaratilgan elekt mototsiklni namoyish etdi.
Haydash unchalik qulay emas, lekin yuradi, deydi ijodkor videoda o‘z taassurotlari bilan o‘rtoqlashgan holda.
Denton loyiha ustida iyun oyining boshidan beri ishlagan — birinchi video o‘shanda e’lon qilingan edi. Yozning qolgan qismini motosiklni mukammallashtirish bilan o‘tkazishga to‘g‘ri keldi.
Bu Lego to‘plamining aniq nusxasi, faqat men o‘tirish qulay bo‘lishi uchun o‘rindiqni kattaroq qilib o‘rnatdim, deb e’tirof etadi Mett.
Muallif dastlabki sinovlarni o‘zi mustaqil o‘tkazdi, so‘ngra jarayonga jiyani Rubenni jalb qildi. Dentonning obunachilari ham natijadan mamnun:
Lego’ning bu ulkan qismlari xuddi originalidek bir-biriga mosligi menga juda yoqadi. Kolleksiyani muvaffaqiyatli yig‘ganingiz bilan tabriklaymiz!, deya yozishdi ular.
Blogerning tez orada yangi loyiha bilan qaytishi haqidagi va’dasiga muxlislar ham shunchalik jo‘shqin munosabat bildirdilar. Ba’zilar esa hatto yig‘ish uchun ikki qavatli avtobus, masofadan boshqariladigan ekskavator va hatto kosmik kema kabi turli variantlarni taklif qilishdi.
Izoh (0)