BMT Taraqqiyot dasturi O‘zbekiston va OAV vakillariga antikorrupsiya strategiyalarini ishlab chiqishda hamda huquqiy bazani shakllantirishda yordam beradi.
Bu haqda 10-sentyabr kuni Toshkent shahrida bo‘lib o‘tgan aksilkorrupsiya sohasida Xalqaro media forumida Akiko Fujii BMT Taraqqiyot dasturining O‘zbekistondagi doimiy vakili aytib o‘tdi, deya xabar bermoqda “Daryo” muxbiri.
Akiko Fujii xonimning aytishicha BMT Taraqqiyot dasturi mamlakatlar va odamlarni korrupsiyaga qarshi kurashishda o‘z yordamini berib keladi.
Nega? Boisi qashshoqlikni kamaytirish juda ham muhim. Korrupsiya tabiiy va iqtisodiy resurslarni kamayishiga va o‘z egasiga yetib bormasligiga olib keladi. Shuning uchun boy va kambag‘al qatlam o‘rtasidagi farqni kamaytirish uchun korrupsiya holatlariga yo‘l qo‘ymaslik kerak, dedi BMT Taraqqiyot dasturining O‘zbekistondagi doimiy vakili.
Uning alohida ta’kidlashicha, zaif odamlar qonun bilan himoyalanishi zarur.
Aynan shuning uchun ham bizda kuchli qonun tizimi bo‘lishi va korrupsiya holatlarini oldini olish borasida tartibga soluvchi qoidalar ishlab chiqilishi zarur.
Tashkilotimiz hukumatingizni va OAV vakillarini antikorrupsiya strategiyalarini ishlab chiqish, huquqiy bazani shakllantirishda yordam beradi. O‘zbekistonda korrupsiyani yo‘qotish uchun hamkorligimiz davom etadi, dedi Akiko Fujii xonim.
Forumida ishtirok etgan Yevropa Ittifoqining O‘zbekistondagi delegatsiyasining hamkorlik bo‘limi boshlig‘i Vim Riepma korrupsiya bor joyda hamma yutqazishi yoki juda kamchilik yutib katta qism mag‘lub bolishi haqida gapirgan edi.
Izoh (0)