Turkiy davlatlar vakillari Bokudagi yig‘ilishda lotin alifbosiga asoslangan, 34 ta harfdan iborat yagona alifbo bo‘yicha kelishib oldi.
Bokuda 9-11-sentyabr kunlari Turkiy davlatlar tashkiloti tomonidan tuzilgan Turk dunyosining yagona alifbosi bo‘yicha komissiyaning 3-yig‘ilishi bo‘lib o‘tdi. Unda sohada bilim va tajriba almashish, komissiyaning ikki yillik tajribasi asosida turkiy tillar uchun umumiy alifbo loyihasi ustida ishlashni yakunlash muhokama qilindi.
Yig‘ilishda olimlar tomonidan 1991-yilda taklif etilgan lotin alifbosiga asoslangan umumiy turkiy alifbo loyihasi ko‘rib chiqildi. Muhokamalar natijasida 34 harfdan iborat umumiy turkiy alifbo bo‘yicha umumiy kelishuvga erishildi. Alifbodagi har bir harf turkiy tillarda mavjud bo‘lgan turli fonemalarni aks ettirishiga alohida e’tibor qaratildi.
“Sessiya ishining muvaffaqiyatli yakunlanishi tarixiy ahamiyatga ega. Umumiy turkiy alifboning yaratilishi nafaqat turkiy xalqlar o‘rtasidagi o‘zaro anglashuv va hamkorlikni mustahkamlaydi, balki ularning tillarini saqlab qolishga ham hissa qo‘shadi”, deyiladi xabarda.
Tadbir tashkilotchilari tegishli muassasalarni “taklif etilayotgan yagona turkiy alifboni amalga oshirishda samarali yordam ko‘rsatishga” chaqirdi.
Izoh (3)
Daryo.uz ga yana bitta narsani tavsiya beraman, Agar bu saytni rivojlantirish maqsadi bo'lsa, yangiliklarni muhimlik darajasiga qarab katigoryalarga bo'lsa va sohalarga qarab ham kategoryalarga bo'lsa bo'ladi. Shunda sayt foydalanuvchilariga jamiyatimizda bo'layotgan voqealarga aniqroq qarash mumkin bo'lardi
hozirgi sharoitda kril yoki lotincha alifbolarda o'rtasida tushummovchilik borda maktablarda o'qitilayotgan alifbo lotincha davlat tashkilotlarida esa kril alifbosida ish yuritiladi. Agar yangi alifbo chiqsa yangi alifboga o'tishni tezlashtirish va hamma joyda umumiy alifba qo'lash kerak. Ikki xil alifbodan foydalanmasdan
Zo'r yangilik bo'libdi. Vanihoyat 30 yildan ortiq kutilgan islohotlar boshlanadi. Umumiy alifbo barcha Turkiy xalqlarni birlashtirishga xizmat qilishi aniq.