Prokuratura organlari tomonidan sportni rivojlantirishga qaratilgan qonunlar ijrosi yuzasidan tizimli nazorat tadbirlari o‘tkazib kelinmoqda. Bu haqda Bosh prokuratura matbuot xizmati xabar berdi.
Maʼlum qilinishicha, O‘zbekiston suzish federatsiyasi mansabdor shaxslari tomonidan suzish sporti uchun ajratilgan mablag‘ hisobidan terma jamoa aʼzosi bo‘lmagan, aslida federatsiya bosh kotibi A.G.ning oila aʼzolari bo‘lgan 15 kishi Turkiyaga dam olishga yuborilib, 405 mln so‘m mablag‘ talon-toroj qilingan.
Shuningdek, amalda o‘tilmagan o‘quv-mashg‘ulot yig‘inlar uchun soxta buyruqlar asosida 458 mln so‘m mablag‘ o‘zlashtirilgan.
Bundan tashqari, federatsiyaga xalqaro musobaqa va o‘quv mashg‘ulotlari o‘tkazish uchun homiylar tomonidan ajratilgan 1,2 mlrd so‘m mablag‘ maqsadsiz sarflanib, talon-toroj qilingan.
Izoh (0)