9-11-sentabr kunlari Markaziy Osiyodagi eng yirik ko‘rgazma majmualaridan biri – Central Asian Expo Uzbekistan hududida CAEx HoReCa|UzFPT ko‘rgazma va forumi bo‘lib o‘tdi. Tadbir doirasida oziq-ovqat sanoati, qadoqlash materiallari va HoReCa sanoatini rivojlantirishga bag‘ishlangan bir qancha professional biznes tadbirlari o‘tkazildi.
Tadbir tashkilotchilari – Central Asian Expo Uzbekistan (CAEx) xalqaro ko‘rgazmalar majmuasi. Bu iste’mol mahsulotlarini qadoqlash, oziq-ovqat mahsulotlari va HoReCa sohasini bir maydonda birlashtirgan ilk ko'rgazma bo’lib, tadbir kompaniyalar uchun ishlab chiqaruvchilar va yetkazib beruvchilar bilan uzoq muddatli va o‘zaro manfaatli hamkorlikni yo‘lga qo‘yish maqsadida tashkil etilgan.
CAEx HoReCa|UzFPT ko'rgazmasi doirasida iste’mol mahsulotlari, oziq-ovqat sanoati, qadoqlash, qayta ishlash texnologiyalari va HoReCa yo'nalishlari bo'yicha 40 dan ortiq mahalliy va xalqaro kompaniyalar o'z mahsulotlarini namoyish etish imkoniga ega bo'ldi. Ko'rgazma ekspozitsiyasi quyidagi bo'limlarga bo'lingan: "Oziq-ovqat", "Go'sht va parranda", "Alkogol va alkogolsiz ichimliklar", "Oziq-ovqat va HoReCa sanoati uchun uskunalar", "HoReCa sanoati uskunalari", "Ichimliklar", "Oziq-ovqat ingredientlari”, “Qandolat mahsulotlari”, “Qadoqlash materiallari”, shuningdek, “HoReCa va oziq-ovqat sanoati uchun bank xizmatlari”.
Ko‘rgazma ishtirokchilari oziq-ovqat sanoati va HoReCa segmenti uchun tayyor mahsulotlar hamda turli jihozlar, texnologiya va ingredientlarni, shuningdek, zamonaviy IT va bank yechimlari taqdim etildi. Ko‘rgazmada tayyor mahsulotlar qatorida go‘sht va kolbasa mahsulotlari, ichimliklar, qandolat mahsulotlari, yarim tayyor mahsulotlar, gazaklar va boshqalar ham namoyish etilgan.
Ko‘rgazma doirasida o‘quv forumi ham bo‘lib o‘tdi. Unda oziq-ovqat va ichimliklar sanoati va HoReCa sektori vakillari yalpi muhokama doirasida dolzarb masalalarni muhokama qildilar. Sessiyalar “Rahbarlar muloqoti – oziq-ovqat biznesini rivojlantirishning yangi strategiyalari” va “O‘zbekistonda HoReCa sektorini rivojlantirish tendensiyalari” mavzularida bo‘lib o‘tdi.
Tadbir soha vakillari va ishtirokchilarga faoliyatini yaxshilash va ishbilarmonlik hamkorligini rivojlantirishga qaratilgan xaridorlar dasturida ishtirok etish imkoniyatini taqdim etdi. Dastur doirasida jami 360 ta B2B uchrashuvlari o‘tkazildi.
Ekspoforum davomida ishbilarmonlik tadbiriga 3 mingdan ortiq ishtirokchilar tashrif buyurib, ular orasida nafaqat riteyler va ishlab chiqaruvchilar, balki sanoat birlashmalari vakillari, xorijiy ekspertlar va kompaniya vakillari ham bor edi.
Reklama huquqi asosida.
Izoh (0)