Tojikiston Ulamolar kengashi (din peshvolari) raisi, bosh muftiy Saidmukarram Abduqodirzoda Dushanbe markaziy masjidida noma’lum erkak tomonidan pichoqlab ketildi. Bu haqda respublika IIV matbuot xizmati xabar berdi.
![](/static/2024/09/11/photo_2024-09-11_21-36-54-gVg_Cs8N.jpg)
“11-sentyabr kuni kechki namoz tugagach, Dushanbe shahri markaziy masjidida bir fuqaro bezorilik niyatida o‘tkir tig‘li buyum (pichoq) bilan Tojikiston Respublikasi ulamolari raisi Saidmukarram Abdulqodirzodaga jarohat yetkazdi”, deyiladi xabarda.
Muftiy yengil tan jarohati olgan, shifokorlar unga birinchi tibbiy yordam ko‘rsatganidan so‘ng, uyiga qo‘yib yuborilgan.
IIVning qayd etishicha, jinoyat sodir etgan shaxs (ismi oshkor etilmagan) masjid yaqinida navbatchilik qilayotgan ichki ishlar xodimlari tomonidan zudlik bilan qo‘lga olingan.
Izoh (0)