Hindiston shimoli-sharqidagi Manipur shtatining Imfal shahrida politsiya bilan to‘qnashuvda kamida 50 kishi jarohat oldi. Bu haqda “The Hindu” nashri xabar bermoqda.
To‘qnashuvlar mintaqadagi yangi etnik ziddiyatlar va norozilik namoyishlari fonida joriy qilingan komendantlik soati tufayli boshlangan. Bu aholining yashash joylaridan tashqarida harakatlanishini cheklaydi, shuningdek, besh yoki undan ortiq odam yig'ilishini taqiqlaydi.
Shtatda keskinlik 2023-yilning may oyida Meitey qabilasi o‘ziga ro‘yxatga olingan kasta maqomini berilishini talab qilganidan keyin kuchaygan. Bu maqom davlat organlariga ishga kirishda va oliy o‘quv yurtlariga kirishda qator imtiyozlar beradi.
Meitey talabi shtat aholisining 56 foizini tashkil etuvchi Kuki qabilasini g‘azablantirdi. 2023-yil may oyi boshida Kuki tashkilotlari norozilik marshini o‘tkazdi, keyinchalik bu to‘qnashuvlarga aylanib ketdi. To‘qnashuvlar boshlanganidan beri kamida 237 kishi halok bo‘lgan, 59 mingdan ortiq odam o‘z uyini tark etgan.
Izoh (0)