Bugun Strategik islohotlar agentligi va Germaniya xalqaro hamkorlik jamiyati hamkorligida “Davlat xizmatida strategik rejalashtirish: samaradorlikni oshirish yo‘llari” mavzusida seminar bo‘lib o‘tdi.
![](/static/2024/09/11/photo_2024-09-11_11-27-53-2w_wacv5.jpg)
Tadbir Strategik islohotlar agentligi direktorining birinchi o‘rinbosari Abdulla Abduqodirov, maxsus attashe Iyeva Yaunzeme, Latviyaning Favqulodda va Muxtor Elchisi Reynis Troksha va GIZ dasturi menejeri Viktor Kesslerlar qatnashdi.
Abdulla Abduqodirov tadbirning ahamiyati haqida gapirar ekan, O‘zbekistonda vazirlik va idoralar tomonidan turli sohalar kesimida 62 ta strategiyalar ishlab chiqilgani, ammo bu strategiyalarning ba’zilari “O‘zbekiston—2030” strategiyasiga umuman to‘g‘ri kelmasligini ta’kidladi.
“Nima uchun bugun strategik rejalashtirish bir dolzarb muammoga aylandi? Chunki shu kungacha 62 ta sohada turli strategik xujjatlar ishlab chiqilgan. Biroq bu strategik xujjatlar “O‘zbekiston—2030” strategiyasiga umuman mos kelmaydi. Strategik islohotlar agentligi strategiyani tuzish borasida qo‘llanma ishlab chiqqan. Hozir shu qo‘llanma prezidenti farmoni asosida vazirlik va idoralar bilan kelishilgan holda amaliyotga tadbiq etish masalasi ko‘tarilmoqda”, – deydi Strategik islohotlar agentligi direktorining birinchi o‘rinbosari.
![](/static/2024/09/11/photo_2024-09-11_11-27-58-JUHhv3do.jpg)
Shuningdek, Abduqodirov ishlab chiqilayotgan strategiyalar nima uchun faqat qog‘ozda quruq gap bo‘lib qolib ketayotgani haqida gapirdi.
“Strategiya – inson hayoti vas hu hayot davomida erishiladigan qadriyatlarga yo‘naltirilgan bo‘lishi kerak. Ya’ni biz 15 yildan keyin qaysi muhitda yashamoqchimiz, degan savolga javob bo‘lishi kerak. Gap bu yerda insonga beriladigan turli erkinlik va qulaylik haqida. Eng qiyin masala – bu qadriyatlarni turli ko‘rsatkichlarga transformatsiya qilish. Undan keyin bunga resrus topish kerak. Davlat idoralari tomonidan 62 ta ishlab chiqilgan strategiyadan 38 tasida hech qanday ko‘rsatkichlar belgilanmagan. Maqsadlari juda katta, lekin bu maqsadlarga qanday ko‘rsatkichlar orqali erishilishi haqida hech qanday gap yo‘q. Ko‘rsatkichlar o‘lchanilmaganidan keyin bu strategiyani rejalashtirib bo‘lmaydi. Rejalashtirib bo‘lmagan narsani moliyalashtirib bo‘lmaydi! Ya’ni ko‘rsatkichlari bo‘lmagan strategiyalar faqat gap bo‘lib qolib ketadi”, dedi u.
Izoh (0)