Tojikistonda kambag‘allik darajasi 1999-yildagi 83 foizdan 2023-yilda 21,2 foizgacha pasaydi. Bu haqda mamlakat prezidenti Emomali Rahmon mustaqillikning 33 yilligi munosabati bilan yo‘llagan tabriknomasida ma’lum qildi.
![](/static/2024/09/11/photo_2024-09-11_14-41-43-ZOy6gx44.jpg)
Emomali Rahmon hukumatga qashshoqlik darajasini pasaytirish dinamikasini saqlab qolish va kelgusi yetti yil ichida 10 foizlik ko‘rsatkichga erishish vazifasi yuklatilganini aytdi. Bu 2030-yilgacha mo‘ljallangan Milliy taraqqiyot strategiyasining vazifalaridan biridir.
Davlat mustaqilligi davridagi asosiy sa’y-harakatlar to‘rtta milliy strategik maqsad doirasida jamlangan — mamlakatning energetika mustaqilligini ta’minlash, uni kommunikatsiya boshi berk ko‘chalaridan olib chiqish, oziq-ovqat xavfsizligini ta’minlash va mamlakatni jadal sanoatlashtirish.
O‘zbekistonda kambag‘allik darajasi qanday?
Yanvar oyida Iqtisodiy tadqiqotlar va islohotlar markazi va Statistika agentligi tomonidan 2023-yil uchun O‘zbekistonda kambag‘allik darajasi tahlil qilindi. Unga ko‘ra, Statistika agentligi tomonidan o‘tkazilgan 16 mingta uy xo‘jaliklari kuzatuvlariga asosan mamlakatda kambag‘allik darajasi 2023-yil yakunida 11 foizgacha pasaydi. 2022-yilga nisbatan 3,1 foizga kambag‘allik qisqargan. O‘shanda kambag‘allik darajasi 14 foizni tashkil etgan. Jarayon Jahon banki ekspertlari tomonidan tekshirilgan.
Izoh (0)