Futbol bo‘yicha O‘zbekiston terma jamoasi JCH—2026 3-saralashi 2-turida Qirg‘izistonga qarshi bahs olib bordi.
Uchrashuv O‘zbekistonning 3:2 hisobidagi g‘alabasi bilan yakunlandi. O‘yindan so‘ng terma jamoa bosh murabbiyi Srechko Katanes ishtirokida matbuot anjumani o‘tkazildi.
Avvalo futbolchilarni g‘alaba bilan tabriklamoqchiman. Lekin bunday gollarni o‘tkazib yubormasligimiz kerak. Chunki bunday gollar istalgan jamoaga syurpriz bo‘lishi mumkin. Gollarga javob bera oldik, ayniqsa, Eldor tezkor gol bilan javob qaytardi.
Dastlabki ikki uchrashuvda maksimal natija qayd etdik, oldinda bizni yana muhim ikki o‘yin kutyapti.
O‘yin avvalida keraksiz xatolarga yo‘l qo‘ydik. Bunga nima sabab bo‘lganini bilmadim, balki maydon holatidir yoki boshqa bir sabab. Bugun raqibga ko‘p marotaba “sovg‘a” ulashdik, keraksiz vaziyatlarda oddiy xatolarga yo‘l qo‘ydik. Bu bosqichda xatolarga yo‘l qo‘yishga haqqimiz yo‘q. Diqqatni yo‘qotganimiz asosiy muammo bo‘ldi. E’tiborli bo‘lmasak, har qanday jamoa bizni jazolab qo‘yishi mumkin.
Srechko Katanes, O‘zbekiston terma jamoasi bosh murabbiyi
O‘zbekiston terma jamoasi oktyabr oyida JCH—2026 saralashi doirasida Eron hamda BAA terma jamoalariga qarshi bahs olib boradi.
Izoh (0)