Toshkent shahrida 272 ta jarimasi bo‘lgan qidiruvdagi avtomashina boshqa hududdan topildi, deb xabar bermoqda MIB axborot xizmati “Daryo”ga.
![](/static/2024/09/07/n-N_srcvOq.jpg)
Qayd etilishicha, Toshkent shahar hududlarida majburiy ijro byurosining Toshkent shahar tezkor qidiruv sho‘basi bo‘limi xodimlari tomonidan tezkor reyd tadbirlari o‘tkazilmoqda. Jumladan, kuni kecha Byuroning Mirzo Ulug‘bek tuman bo‘limi ish yurituvidagi YHXBning jami 272 ta qarori yuzasidan qarzdorga tegishli Nexia-3 ga band solinib, qidiruv e’lon qilingan.
Tadbir davomida yuqoridagi qarzdorliklar yuzasidan qidiruv e’lon qilingan transport vositasi majburiy ijro byurosining Toshkent shahar boshqarmasi tezkor qidiruv sho‘basi bo‘limi xodimi tomonidan Toshkent viloyatidan topilib, jarima maydonchasiga joylashtirildi.
Hozirda mazkur mashinani realizatsiya qilish ishlariga kirishildi.
Avvalroq Toshkent viloyati Ohangaron tumanida bankdan 420 million so‘m qarzi bor fuqaroning mashinasi xatlangani, Toshkent viloyatida MIB tomonidan “svet”dan 22,6 mlrd so‘m qarzdorlik undirilgani, Toshkentda qarzdor tashkilotning Malibu’si auksionda sotib yuborilgani to‘g‘risida xabar berilgandi.
Izoh (0)