2024-yilning yanvar—iyul oylarida jami 3,4 million nafar o‘zbekistonlik turistik maqsadlarda chet elga safar qilgan. Bu haqda Statistika agentligi xabar berdi.
Maʼlum qilinishicha, bu ko‘rsatkich o‘tgan yilning mos davri bilan solishtirilganda 890,5 ming nafarga yoki 35,7 foizga oshgan.
2024-yilning yanvar—iyul oylarida turistik maqsadlarda chet elga ketgan O‘zbekiston fuqarolarining mamlakatlar bo‘yicha tasnifi quyidagicha:
- Qirg‘iziston – 1,6 mln nafar;
- Tojikiston – 676,4 ming nafar;
- Qozog‘iston – 526,4 ming nafar;
- Rossiya – 159,7 ming nafar;
- Turkiya – 123 ming nafar;
- Saudiya Arabistoni – 106,5 ming nafar;
- BAA – 70,6 ming nafar;
- Misr – 22,2 ming nafar;
- Kuvayt – 16,7 ming nafar;
- Janubiy Koreya – 12,3 ming nafar;
- boshqa davlatlar – 91,5 ming nafar.
Avvalroq, 2024-yilning yanvar—iyun oylarida 2,7 mln o‘zbekistonlik turistik maqsadlarda chet elga borgani haqida xabar berilgandi.
Izoh (0)