AQSHning Jorjiya shtati Uinder shahridagi maktabda otishma yuz berdi. Oqibatda to‘rt kishi halok bo‘ldi, 30 ga yaqin odam jarohatlandi. Bu haqda MSNBC xabar berdi.
CNN xabariga ko‘ra, politsiya gumonlanuvchini qo‘lga olgan. Voqea joyida beshta tez yordam mashinasi ishlamoqda, jabrlanganlardan biri vertolyotda kasalxonaga yotqizilgan.
FQB xodimlari mahalliy huquqni muhofaza qilish organlariga surishtiruv ishlarida yordam bermoqda.
Joriy yilning 7-iyul kuni AQSHning Detroyt shahrida yuz bergan otishmada ham 2 kishi halok bo‘lgan va 19 kishi yaralangandi. Otishmani sodir etganlar yashirinishga ulgurgan.
Izoh (0)