Toshkent shahridagi “Yangi O‘zbekiston” bog‘ida 1-sentyabr kuni bayram tadbiri o‘tkazilishi tufayli ayrim ko‘chalarda avtotransport harakati vaqtincha cheklanadi. Bu haqda Toshkent shahar IIBB Yo‘l harakati xavsizligi boshqarmasi xabar berdi.
Cheklov bayram tadbirida fuqarolarning xavfsizligi va jamoat tartibini saqlash maqsadida qabul qilingan.
“Yangi O‘zbekiston - 4P12 yo‘li kesishgan chorrahasidan, Maxtumquli- Ohangaron shohko‘chasigacha, Cho‘lpon ko‘chasi bo‘ylab, Yangi O‘zbekiston-Milliy bog‘ ko‘chalari kesishgan chorrahasigacha bo‘lgan qismida soat 18:00 dan 24:00 gacha bo‘lgan vaqt oralig‘ida avtotransport vositalarining harakati vaqtinchalik cheklanadi”, deyiladi rasmiy xabarda.
Toshkent viloyati tomondan; Yuqori Chirchiq, Quyi Chirchiq, O‘rta Chirchiq tumani va Parkent tumanlaridan tashrif buyuruvchilar 4R12 yo‘li bo‘ylab Sharq YPX maskani orqali shaharga kirish tavsiya etiladi.
Bo‘stonliq, G‘azalkent, Qibray tumanlaridan keluvchilar Chirchiq shahri orqali Yuzrobod ko‘chasi bo‘ylab Temur Malik ko‘chasi orqali shaharga kirish tavsiya etilmoqda.
Faqatgina bayram tabdirlariga tashrif buyuruvchi mehmonlar va Toshkent viloyatiga chiqib ketmoqchi bo’lgan fuqarolar Yangi O‘zbekiston ko‘chasi bo‘ylab harakatlanishi mumkin.
Izoh (0)