O‘zbekistonning qaysi hududida avtotransport vositalarini ta’mirlash xizmatlariga talab yuqoriligi ma’lum qilindi.
Statistika agentligi ma’lumotlariga ko‘ra, 2024-yilning yanvar-iyun oylarida avtotransport vositalariga texnik xizmat ko‘rsatish, ta’mirlash va mototsikllarni ta’mirlash bo‘yicha xizmatlar hajmi 2,6 trillion so‘mni tashkil etgan.
Hududlar bo‘yicha avtotransport vositalariga texnik xizmat ko‘rsatish, ta’mirlash va mototsikllarni ta’mirlash bo‘yicha xizmatlar hajmi:
- Qoraqalpog‘iston – 91,6 milliard so‘m;
- Andijon viloyati – 218,3 milliard so‘m;
- Buxoro viloyati – 145,3 milliard so‘m;
- Jizzax viloyati – 88,4 milliard so‘m;
- Qashqadaryo viloyati – 124 milliard so‘m;
- Navoiy viloyati — 109,6 milliard so‘m;
- Namangan viloyati – 109,9 milliard so‘m;
- Samarqand viloyati – 263,9 milliard so‘m;
- Surxondaryo viloyati – 94,9 milliard so‘m;
- Sirdaryo viloyati – 37,9 milliard so‘m;
- Toshkent viloyati – 361,6 milliard so‘m;
- Farg‘ona viloyati – 306,6 milliard so‘m;
- Xorazm viloyati – 115,9 milliard so‘m;
- Toshkent shahri – 528,3 milliard so‘mni tashkil etgan.
Joriy yilning yanvar–iyul oylarida mamlakatda eng ko‘p ishlab chiqarilgan avtomobil Cobalt bo‘ldi. UzAutoMotors yetti oy davomida 84 758 dona Cobalt ishlab chiqardi. O‘tgan 2023-yilning mos davrida bu ko‘rsatkich 55 968 donani tashkil etgan.
Hisobot davrida Damas ham boshqa avtomobillarga qaraganda ko‘p ishlab chiqarilgan — 48 884 dona. Taqqoslash uchun, 2023-yil mos davrida bu raqam 43 497 dona bo‘lgan.
Shu bilan birga, yanvar–iyul oylarida 23 378 dona Tracker, 18 238 dona Onix, 11 300 dona Kia va 4 869 dona Chery avtomobillari konveyerdan chiqqan. Yil boshidan iyul yakunigacha Gentra ishlab chiqarish hajmi 70,9 foizga kamayib, jami 12 837 donani tashkil etgan. Taqqoslash uchun, 2023-yilning dastlabki yetti oyida respublikada 44 179 dona, 2022-yil mos davrida esa 47 600 dona Gentra konveyerdan chiqqan.
Eslatib o‘tamiz, UzAutoMotors joriy yil iyul oyi yakunida Lacetti (Gentra) ishlab chiqarish to‘xtatilganini maʼlum qildi. Asaka zavodida ushbu modeldagi avtomobillar 2013-yildan ishlab chiqarila boshlangan. O‘tgan 11 yil mobaynida zavod konveyerida jami 487 104 dona Lacetti ishlab chiqarilgan.
Izoh (0)