Rossiya prezidenti Vladimir Putin Mo‘g‘uliston prezidenti Uxnaagiyn Xurelsuxning taklifiga binoan 3-sentyabr kuni rasmiy tashrif bilan Mo‘g‘ulistonga boradi. Bu haqda Kreml matbuot xizmati xabar berdi.
-YRLUtolz.jpg)
Putin “sovet va mo‘g‘ul qurolli kuchlarining Xalxin-Gol daryosida yapon militaristlari ustidan qozongan qo‘shma g‘alabasining 85 yilligiga bag‘ishlangan tantanali tadbirlarda” ishtirok etadi.
“Muzokaralar chog‘ida davlat rahbarlari Rossiya-Mo‘g‘uliston keng qamrovli strategik sheriklik munosabatlarini yanada rivojlantirish istiqbollarini muhokama qiladilar, dolzarb xalqaro va mintaqaviy muammolar yuzasidan fikr almashadi. Bir nechta ikki tomonlama hujjatlar imzolanishi rejalashtirilgan”, deyiladi xabarda.
Mo‘g‘uliston 2000-yilda Rim ustavini imzolagan. Shu bilan birga, mamlakat uni 2002-yilda ratifikatsiya qilgan. Shunday qilib, u Xalqaro jinoyat sudining (XJS) ishtirokchisi hisoblanadi va uning qarorlarini bajarishga majburdir.
2023-yil dekabr oyida mo‘g‘ulistonlik sudya birinchi marta XJS sudyasi bo‘ldi. Mog‘uliston prezidenti bu “mamlakatning xalqaro maydondagi obro‘-e’tibori va xalqaro tashkilotlarning Mo‘g‘ulistonga bo‘lgan ishonchi o‘sishi va mustahkamlanishining belgisi” ekanini aytdi.
Izoh (0)