Paralimpiya. Suzish bo‘yicha o‘zbekistonlik sportchilar finalga yo‘l oldi

Parijda Paralimpiya musobaqasi bugun, 29-avgust kunidan start oldi.

Erkaklar o‘rtasida S13 klassida 100 metr masofaga batterflay usulida suzish bo‘yicha saralash bahslari yakunlandi.

Ushbu masofada startga chiqqan o‘zbekistonlik sportchilar — Muzaffar Tursunxo‘jayev hamda Kiril Pankov saralashni muvaffaqiyatli o‘tkazib, final yo‘llanmasiga ega bo‘ldi. Islam Aslanov esa o‘z guruhida 6-o‘rinni egalladi.

Ayollar o‘rtasida aynan shu klassda 100 metr masofaga batterflay usulida suzish bo‘yicha saralash bahslari o‘z nihoyasiga yetdi. Ushbu dasturda Muslima Odilova  hamda Shoxsanam Toshpo‘latova 2- va 3-o‘rinlarni egallab, hal qiluvchi final bahsiga yo‘l oldi.

Ushbu yo‘nalishda final bahslari bugun, Toshkent vaqti bilan soat 23:09 da boshlanadi.