O‘zbekistonda 2024-yilning yanvar—iyul oylarida yirik korxonalar tomonidan 725,7 ming tonna tabiiy gaz kondensati ishlab chiqarilgan.
Mazkur ishlab chiqarish hajmi 2023-yilning tegishli davriga nisbatan solishtirilganda 2,6 foizga oshgan. 2024-yilning iyul oyida yirik korxonalar tomonidan 101 ming tonna tabiiy gaz kondensati ishlab chiqarilgan.
Avvalroq Statistika agentligi O‘zbekistonga iyul oyida 174,2 million dollarlik gaz import qilingani haqida xabar bergandi. Bu 2023-yilning iyulidagi ko‘rsatkichga nisbatan 174 baravar ko‘p. Yaʼni o‘tgan yilning iyul oyida xorijdan 1 million dollarlik gaz sotib olingan.
Mamlakatda gaz importi o‘sayotganiga qaramay, gaz eksporti to‘xtatilmagan. O‘tgan oyda 91,7 million dollarlik gaz eksporti amalga oshirilgan. Bu 2023-yilning iyuliga nisbatan 1,3 barobarga ko‘p. Yaʼni o‘tgan yilning iyul oyida 63,9 million dollarlik gaz eksport qilingan.
2024-yil yanvar–iyul oylarida respublika jami 323,1 million dollarlik gaz eksportini amalga oshirgan. 2023-yilning mos davrida esa bu ko‘rsatkich 341,9 million dollarni tashkil etgan.
Izoh (0)