O‘zbekiston fuqarolari Belgiyaga avtoslesar va avtotexniklar ishga taklif etilmoqda. Bu haqda Tashqi mehnat migratsiyasi agentligi axborot xizmati xabar berdi.
Ma’lum qilinishicha, fuqarolar quyidagi sohalar bo‘yicha ishga chaqirilmoqda:
- Yuk avtomobili va boshqa texnikalarga xizmat ko‘rsatuvchi mutaxassis (avtoslesar);
- Qurilish, qishloq xo‘jaligi va yuk ko‘tarish texnikalari bo‘yicha texnik.
Oylik ish haqi 2100 yevro. Nomzodlar uchun quyidagi talablar mavjud:
- ingliz tilini muloqot darajasida bilish;
- yuk avtomobili mexanigi va elektrigi sohasida texnik ma’lumot;
- yuk avtomobili pnevmatikasi, gidravlikasi, elektronikasi va elektrigi sohalarini bilish;
- yuk avtomobili tormoz tizimi va dvigatel boshqaruvini bilish;
- yuk avtomobili diagnostikasi va nazorat uskunalari bilan ishlash tajribasi;
- yuk avtomobilini boshqarish guvohnomasiga ustunlik beriladi;
- 25-40 yoshdagi erkaklar;
- sudlanmagan.
Ish beruvchi hisobidan:
- ishlash uchun ruxsatnoma;
- ishchi vizasi;
- ishga joylashish uchun ro‘yxatga olish xarajatlari.
Fuqaro hisobidan agentlik xizmati, o‘qitish va ko‘niktirish, aviachipta xarajatlari.
Ro'yxatdan o'tish (https://labormigration.uz/vacancy?vacancy_id=792) (29-avgust soat 14:00 ga qadar)
Izoh (0)