Olimpiya o‘yinlarida tarixida medal jamg‘arish bo‘yicha Osiyo mamlakatlari reytingi

Fransiyaning Parij shahrida 26-iyuldan 11-avgustga qadar XXXIII Olimpiada bahslari o‘tkazildi. 

O‘zbekiston delegatsiyasi ushbu Olimpiadada o‘ziga xos natija ko‘rsatdi va 8 ta oltin, 2 ta kumush va 3 ta bronza medalni qo‘lga kiritdi.

Shu tariqa O‘zbekiston Olimpiya o‘yinlari tarixidagi Osiyo mamlakatlari reytingida 5-o‘rinni egalladi. Dunyo reytingida esa 46-pog‘onani band etdi. 

Quyida Olimpiada o‘yinlarida eng ko‘p medal jamg‘argan top-10 Osiyo mamlakatlari ro‘yxati keltirilgan:

1 (3). Xitoy — 303 (oltin), 226 (kumush), 198 (bronza);

2 (8). Yaponiya — 189, 162, 191;

3 (16). Janubiy Koreya — 109, 100, 111;

4 (39). Eron — 27, 29, 32;

5 (46). O‘zbekiston — 18, 8, 23;

6 (47). Shimoliy Koreya — 16, 18, 27;

7 (49). Qozog‘iston — 15, 25, 38;

8 (54). Tailand — 11, 11, 19;

9 (56). Indoneziya — 10, 14,16;

10 (60). Hindiston — 10, 10, 21.

O‘zbekiston delegatsiyasi shu vaqtga qadar Atlanta—1996 (1 ta kumush, 1 ta bronza), Sidney—2000 (1 ta oltin, 1 ta kumush, 2 ta bronza), Afina—2004 (2 ta oltin, 1 ta kumush, 2 ta bronza), Pekin—2008 (1 ta kumush, 3 ta bronza), London—2012 (3 ta bronza), Rio—2016 (4 ta oltin, 2 ta kumush, 7 ta bronza), Tokio—2020 (3 ta oltin, 2 ta bronza) hamda Parij—2024 (8 ta oltin, 2 ta kumush, 3 ta bronza) kabi Olimpiada bahslarida ishtirok etgan.