Toshkent viloyati IIBB tezkor xodimlari tomonidan o‘tkazilgan navbatdagi nazorat tadbirida 20 yoshli qiz odam savdosi qurboni bo‘lishining oldi olindi.
O‘tkazilgan tezkor tadbirda Angren shahrida yashovchi 2004-yilda tug‘ilgan yigit A.R. oson pul topish maqsadida o‘ziga tanish bo‘lgan 20 yoshli qiz S.T.ni aldab, uni mo‘may daromad topishga ishontirib, Toshkent xalqaro aeroporti orqali Dubayga fohishalik uchun jo‘natayotgan vaqtida daliliy ashyolar bilan ushlangan.
Maʼlumotga ko‘ra, yigit yosh qizni jo‘natayotgani uchun Dubayda yashovchi ayoldan 2 000 dollar miqdorida pul olgan.
Hozirda ushlangan shaxsga nisbatan Jinoyat kodeksi 135-moddasi (odam savdosi) bilan jinoyat ishi qo‘zg‘atilgan. Tergov harakatlari olib borilmoqda.
Izoh (0)