Qozog‘iston hukumati Milliy xavfsizlik qo‘mitasi (MXQ) sobiq rahbari Karim Masimovning sobiq kuyovi, tadbirkor Azamat Kapenovni qidiruvga berdi. Bu haqda Korrupsiyaga qarshi kurashish agentligi xabar berdi.
![](/static/2024/08/16/photo_2024-08-16_12-42-56-H-PCfVDa.jpg)
Azamat Kapenov Rossiya fuqarosi bo‘lib, 1978-yilda Prjevalskda (Qirg‘iziston) tug‘ilgan. U Qozog‘iston Jinoyat kodeksining 3-bandi 4-qismi 190-moddasida nazarda tutilgan og‘ir jinoyatni (firibgarlik) sodir etganlikda gumon qilinmoqda. Unga nisbatan qamoqda saqlash tarzidagi ehtiyot chorasi qo‘llanilgan.
Kapenovning qayerdaligi haqidagi ma’lumot uchun mukofot va’da qilingan. Kapenov avvalroq “Federal yuk kompaniyasi” AJning MDH va qo‘shni davlatlar hududida biznesni rivojlantirish bo‘yicha bosh direktor o‘rinbosari lavozimida ishlagan. Qozog‘iston OAV ma’lumotlariga ko‘ra, u Karim Masimovning katta qiziga uylangan.
Masimov ishi
Izoh (0)