Bosh prokuratura huzuridagi departamentning Surxondaryo boshqarmasi va IIB xodimlari hamkorligida o‘tkazilgan tezkor tadbirda “M.Y.” fermer xo‘jaligi hisobchisi Q.S. Sariosiyo tumani “Subhidam” MFY hududidagi tuman hokimligi zaxirasida bo‘lgan 8 sotix yer maydonini o‘ziga tegishli ekanligini aytib, fuqaro B.X.ga firibgarlik yo‘li bilan 5 600 AQSH dollariga sotishga kelishgan.
Hisobchi shundan 3 600 AQSH dollari va 1,2 mln so‘mni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Toshkent shahrida fuqarolarni Yevropa davlatlariga noqonuniy yo‘llar bilan ishga yuborishni vaʼda qilib, 4,5 ming AQSH dollari olgan MCHJ rahbari ushlangani xabar qilingandi.
Izoh (0)