Futbol bo‘yicha O‘zbekiston Kubogining chorak finalida “Paxtakor” va “Bunyodkor” jamoalari 15-avgust, payshanba kuni o‘zaro bahs olib bordi.
Foto: PFL
Uchrashuvning asosiy bo‘limlarida g‘olib nomi aniqlanmadi. Jamoalar qo‘shimcha bo‘limlarga murojaat qilishiga to‘g‘ri keldi.
Qo‘shimcha taymlarning birinchisida “Paxtakor” penalti ishlab oldi. 101-daqiqada Shahzod Azmiddinov penaltini aniq amalga oshirdi.
Qolgan daqiqalarda darvozalar daxlsizligi saqlanib qoldi va “sherlar” kichik hisobda g‘alaba qozonib, keyingi bosqichga yo‘l oldi.
Shu tariqa “Navbahor”, “Surxon” va “Andijon”dan so‘ng “Paxtakor” ham Kubok yarim finalchisiga aylandi.
O‘zbekiston Kubogi
Chorak final
15-avgust, payshanba
“Bunyodkor” — “Paxtakor” 0:1
Gol: 0:1 — 101 Azmiddinov (penalti).
“Bunyodkor”: 13. Hamidullo Abdunabiyev, 4. Najmiddin Normurodov, 6. Boburbek Yo‘ldashov, 8. Frane Chiryak (7. Shahboz Jo‘rabekov, 70), 14. Mirjahon Mirahmadov (74. Luis Kachorri, 60), 22. Usmonali Ismonaliyev, 23. Asadbek Rahimjonov, 25. Itsuki Urata (65. Ahmadullo Muqumjonov, 60), 41. Andriya Filipovich (77. Muzaffar Olimjonov, 70), 57. Amir To‘raqulov (10. Rasul Yo‘ldoshov, 79), 66. Azizbek To‘lqunbekov.
“Paxtakor”: 12. Vladimir Nazarov, 3. Shahzod Azmiddinov, 4. Abdulla Abdullayev, 5. Muhammadqodir Hamraliyev, 9. Ibrohim Ibragimov (8. Diyor Xolmatov, 21), 10. Dragan Cheran, 17. Dostonbek Hamdamov (99. Ulug‘bek Hoshimov, 72), 22. Umar Adhamzoda, 23. Abdurauf Bo‘riyev, 27. Sardor Sobirxo‘jayev, 33. Doniyor Abdumannopov (30. Otabek Jo‘raqo‘ziyev, 72).
Ogohlantirishlar: Abdurauf Bo‘riyev (18), Andriya Filipovich (39), Amir To‘raqulov (45+3), Umar Adhamzoda (52), Luis Kachorri (60).
Izoh (0)