Chimkentda yo‘l harakatini optimallashtirish va tirbandliklarni kamaytirishga qaratilgan “aqlli” svetoforlar tizimi ishga tushirildi. Yangi tizim shaharning 190 ta ko‘chasida o‘rnatiladi. Bu haqda 24.kz xabar berdi.
“Aqlli” svetoforlar avtonom rejimda ishlaydi, transport oqimlarini analiz qiladi va yashil signalni yoqish vaqtini sozlaydi. Datchiklar yordamida ular hatto avtomobillarning paydo bo‘lishini oldindan ma’lum qilishi mumkin. Tashqi tomondan ular oddiy svetoforlardan farq qilmaydi.
Chimkent yo‘lovchilar transporti va avtomobil yo‘llari boshqarmasi boshlig‘i o‘rinbosari Umir Qaliboyevning so‘zlariga ko‘ra, tizim chorrahalar o‘rtasida ma’lumot uzatib, avtomobillar oqimining to‘siqsiz harakatlanishini ta’minlaydi va kompleks tarzda ishlaydi.
Kelajakda “yashil” yo‘lakni yaratish va zarur hollarda vaqtni tejash uchun tizimni shoshilinch xizmatlar mashinalari bilan integratsiya qilish rejalashtirilgan.
Shahar byudjetiga 1,4 milliard tengega (taxminan 2,91 million dollar) tushgan “aqlli” svetoforlar loyihasi Chimkentning ko‘plab shaharlar uchun dolzarb bo‘lgan tirbandlik muammosini hal qilish yo‘lidagi yana bir qadamidir.
Izoh (0)