Qo‘shma Shtatlar Isroilga 20 milliard dollardan ortiq qo‘shimcha qurol eksportini ma’qulladi. Bu haqda Deutsche Welle xabar berdi.
Davlat departamentining xabar berishicha, gap 50 ga yaqin F-15 qiruvchi samolyotlari va 33 ming birlik o‘q-dorilar haqida bormoqda.
“Bu Isroilning joriy va kelajakdagi dushman tahdidlariga javob berish qobiliyatini yaxshilashi kerak”, deyiladi departament xabarida.
AQSH Kongressiga yuborilgan bildirishnomaga ko‘ra, 18,25 milliard dollarlik F-15 qiruvchi samolyotlari 2029-yilda yetkazib berilishi kerak. Bundan tashqari, Isroil Mudofaa vazirligi ham AQSHdan 50 mingtagacha minomyot va harbiy transporter sotib oladi.
May oyida AQSH prezidenti Jo Bayden G‘azo janubidagi Rafahda harbiy amaliyotda qo‘llanilishi mumkinligidan xavotirlar tufayli Isroilga samolyot bombalarini yetkazib berish to‘xtatilganini e’lon qilgan edi. Biroq Vashingtonga ko‘ra, bu qaror boshqa turdagi qurollar yetkazib berishga taʼsir qilmagan.
“F-15 qiruvchi samolyotlarini yetkazib berishga kelsak, davlat departamenti Qo‘shma Shtatlar ‘Isroil xavfsizligini ta’minlashga sodiq’ ekanini tushuntirdi. AQSH milliy manfaatlari uchun Isroilni kuchli mudofaa qobiliyatini rivojlantirish va qo‘llab-quvvatlash juda muhim”, deya ta’kidlagan departament.
Izoh (0)