China General Nuclear Power Group (CGN) sayyohlik agentliklari bilan hamkorlikda sayohatchilarga atom elektr stansiyalariga tashrif buyurish imkonini beruvchi onlayn bron qilish tizimini yaratdi.
Xabarga ko‘ra, birinchi bosqichda mamlakatning bir qancha viloyatlarida joylashgan 9 ta AES bo‘yicha ekskursiyalar tashkil etiladi.
“Sinov safari Ninde stansiyasida bo‘lib o‘tdi, u yerda qiziquvchan sayohatchilar to‘rtta CPR-1000 reaktorining ishlashi bilan tanishdi. Texnik ekskursiya yaqin atrofda joylashgan oq choy plantatsiyalariga ekskursiya bilan birlashtirildi”, deyiladi xabarda.
Mutaxassislarning qayd etishicha, atom elektr stansiyasiga tashrif buyurish sanoat turizmining yangi shakli bo‘lib, bu mamlakatda atom energetikasi qay darajada rivojlanayotgani hamda jamiyat uchun qanchalik xavfsiz ekanligini tushunishga yordam beradi.
“Bunday ekskursiyalarning tarbiyaviy ahamiyati yuqori”, deydi mutaxassislar.
Xitoyda yangi sayyohlik yo‘nalishiga qiziqish ortib bormoqda. Dayavan atom elektr stansiyasiga ekskursiya chiptalari 11-sentyabrgacha bron qilingan.
Izoh (0)