Superkompyuter La Liganing 2024/25-yilgi mavsum chempionligi uchun “Real”ning imkoniyatlarini yuqori baholamoqda

Madridning “Real” klubi 2024/25-yilgi mavsum Ispaniya chempionatining g‘olibi bo‘lish uchun yaxshi imkoniyatga ega.

Opta superkompyuterining taxminlariga ko‘ra, La Liganing o‘tgan mavsumdagi chempionlari yangi mavsumda ham chempion bo‘lish ehtimoli 86 foizni tashkil etmoqda. “Barselona”ning ehtimoliy chempionligi esa 10,3 foizga baholangan — kataloniyaliklar katta ehtimol bilan 2-o‘rinni egallaydi (50,6%).

Shuningdek, “Atletiko” (2,2%), “Jirona” (0,8%), “Atletik” (0,3%) va “Real Sosyedad” (0,2%) kabi jamoalarning ham chempionlik uchun imkoniyatlari taxmin qilindi.

La Liganing autsayderlari sifatida esa “Espanyol”, “Valyadolid” va “Leganes” jamoalari ko‘rilmoqda.