Shahnoza Mirziyoyeva O‘zbekiston Milliy paralimpiya qo‘mitasi raisining birinchi o‘rinbosari lavozimiga saylandi

O‘zbekiston Milliy paralimpiya qo‘mitasi raisining birinchi o‘rinbosari lavozimiga Shahnoza Mirziyoyeva saylandi.

O‘zbekiston Milliy paralimpiya qo‘mitasi Ijroqo‘m yig‘ilishining tegishli qarori bilan Mirziyoyeva Shahnoza Shavkatovna O‘zbekiston Milliy paralimpiya qo‘mitasi raisining birinchi o‘rinbosari lavozimiga saylandi.

Shahnoza Mirziyoyeva hozirda O‘zbekiston Respublikasi Prezidenti huzuridagi ijtimoiy himoya milliy agentligi direktorining birinchi o‘rinbosari lavozimida ham faoliyat yuritib kelmoqda.

Eslatib o‘tamiz, O‘zbekiston delegatsiyasi XVII yozgi Paralimpiya o‘yinlariga tantanali ravishda kuzatish marosimida Shahnoza Mirziyoyeva so‘zga chiqib, Prezidentimiz Shavkat Mirziyoyevning shaxsan qo‘llab-quvvatlashi, Paralimpiya harakatiga qaratgan alohida e’tibori tufayli O‘zbekiston parasportchilari tomonidan ulkan yutuqlarga erishayotganini e’tirof etdi hamda bu an’ana Parijda ham bardavom bo‘lishiga umid bildirdi.

Eslatib o‘tamiz, 13 avgust sanasidan boshlab terma jamoalarimiz reja asosida Fransiyaga yo‘l olib, tayyorgarlikning so‘nggi bosqichini bevosita Parij shahrida olib borishadi. XVII yozgi Paralimpiya o‘yinlari 28 avgust – 8 sentyabr kunlari bo‘lib o‘tadi.