55 yoshli Hyu Jekman The Tonight Show Starring Jimmy Fallon ko‘rsatuvida “Dedpul va Rosomaxa” filmini suratga olishga tayyorgarlik ko‘rish paytida jiddiy parhez qilishga majbur bo‘lgani haqida so‘zlab berdi.
“Siz qaynatilgan tosh yedingizmi?” deya hazilomuz savol berdi boshlovchi. Bunga javoban aktyor har kuni nafaqat mashaqqatli va faol mashg‘ulotlar bilan shug‘ullanganini, balki kuniga faqat 6000 kaloriya iste’mol qilganini aytdi.
“Men o‘zim istagan narsani iste’mol qilmadim. Misol uchun, pitssaning yarmida 6000 kaloriya bor. Ammo menga faqat tovuq go‘shti, tilyapiya (oq baliq) va loviya yeyish mumkin edi xolos. Nima uchun aynan tilyapiya buyurilganini haligacha tushunmadim”, dedi Hyu.
Aktyorning so‘zlariga ko‘ra, Jekman ushbu parhezga o‘ylaganidan ko‘ra uzoqroq amal qilishiga to‘g‘ri kelgan, chunki turli muammolar tufayli suratga olish ishlari kechiktirilavergan.
Hyu Jekmanning qat’iy parhezi bejiz bo‘lmadi. Film muvaffaqiyatli bo‘lganini ko‘rganidan aktyor hatto yig‘lab ham yuborgan. “Dedpul va Rosomaxa” o‘z eng yaxshi filmlar reytingida tobora yuqorilab bormoqda va kino sanoati tarixida eng ko‘p daromad keltirgan filmlar o‘ntaligiga kirishga da’vogarlik qilmoqda.
Amerikaning “Dedpul” filmi 2016-yilda rejissyor Tim Miller tomonidan suratga olingan fantastik komediyadir. Filmning yangi qismida 2009-yilda suratga olingan “G‘aroyib odamlar” filmi qahramoni Rosomaxaning Dedpul bilan to‘qnashuvi bo‘lib o‘tadi va ular birgalikda raqiblarga qarshi kurash olib boradi. “Dedpul va Rosomaxa” komediyasining jahon premyerasi 26-iyul kuni bo‘lib o‘tdi.
Izoh (0)