Dam olish kunlari kuzatilgan nisbatan salqin ob-havodan so‘ng, dushanba kunidan boshlab O‘zbekiston hududi bo‘yicha havo harorati yana ko‘tarila boshlaydi, deb xabar bermoqda “O‘zgidromet”.
Ma’lum qilinishicha, 12—15-avgust kunlari respublika hududining katta qismida kunduz kunlari havo 37-40 darajagacha, janubda 42-43 darajagacha isiydi.
15-avgust kuni salqin havoning yana bir qismi O‘zbekistonning shimoli-g‘arbiy hududlariga kirib keladi. Qoraqalpog‘iston Respublikasi va Xorazm viloyatida havo harorati 28-33 darajagacha pasayadi.
16-avgust, juma kuni nasbatan salqin havo sharqqa tomon harakatlana boshlaydi va havo haroratining pasayishi O‘zbekistonning barcha hududini qamrab oladi. Havo harorati kunduzi 33-36 daraja, shimoli-g‘arbiy hududlarda 28-33 daraja atrofida, respublika janubida 40 darajagacha bo‘ladi.
Ushbu kunlarda O‘zbekiston hududi bo‘yicha quruq ob-havo saqlanib turadi. Faqat 13 va 15-avgust kunlari Qoraqalpog‘iston Respublikasi va Xorazm viloyatida ayrim joylarda, shuningdek, 15—16-avgust kunlari Toshkent viloyati va Farg‘ona vodiysi viloyatlarining ayrim tog‘li hududlarida qisqa muddatli yomg‘ir yog‘ishi mumkin.
Shamol 7-12 metr/sekund tezlikda esadi, baʼzi joylarda 15-20 metr/sekundgacha kuchayadi, chang-to‘zon bilan kuzatiladi.
Toshkentda havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. Harorat asosan kechalari 22-25 darajo, kunduz kunlari 12—15-avgustda 37-39 daraja, 16-avgustda 34-36 daraja bo‘ladi.
Izoh (0)