AQSH bilan muloqot tarafdori bo‘lgan Eronning strategik masalalar bo‘yicha vitse-prezidenti Muhammad Javod Zarif iste’foga chiqdi. U bor-yo‘g‘i o‘n kun xizmat qildi.
Yangi Vazirlar mahkamasini shakllantirish bo‘yicha maslahat kengashi rahbari lavozimidagi faoliyatim natijasi meni qoniqtirmayapti, deb yozdi Zarif X ijtimoiy tarmog‘ida.
Masʼud Pezeshkiyon 5-iyul kuni bo‘lib o‘tgan Eron prezidentlik saylovlarida g‘alaba qozonganidan keyin vitse-prezident maslahat kengashini boshqargan Zarif vazirlikka nomzodlarni tanlab olishi kerak edi, ular 11-avgust kuni tasdiqlash uchun parlamentga taqdim etilgan.
Zarif ayollar, yoshlar va etnik ozchiliklarning ishtiroki bo‘yicha tanlangan qo‘mitalarning fikrlarini o‘zi “va’da qilgan tarzda jalb eta olmaganini” tushuntirgan.
Muhammad Javod Zarif 2013-yildan 2021-yilgacha Eron TIV rahbari lavozimida ishlagan. Sobiq vazir 2015-yilda Eron yadro dasturi bo‘yicha bitim tuzishda faol ishtirok etgan va Amerika rasmiylari bilan doimiy muloqotda bo‘lgan. U 2024-yilgi prezidentlik saylovlarida islohotchi nomzod Mas’ud Pezeshkiyonning asosiy tarafdoriga aylangan.
Zarif 2007-yildan beri Tehron universitetining xalqaro munosabatlar maktabida dars beradi. U nafaqaga chiqqandan keyin ham universitetdagi faoliyatini davom ettirishni rejalashtirgan.
Izoh (0)