ISHID afg‘on bo‘limining kuchi Markaziy Osiyodan kelgan diasporalarning qo‘llab-quvvatlashi tufayli ortib bormoqda, guruh Afg‘onistondan tashqarida ham hujumlar uyushtirishga qodir. Bu haqda BMT aksilterror boshqarmasi rahbari Vladimir Voronkov ma’lum qildi.
BMT Xavfsizlik Kengashida so‘zga chiqqan Voronkov ISHIDning Afrikada faolligi kuchayganini qayd etib, afg‘on ISHID—Xuroson guruhi Yevropa uchun terrorchilik tahdidiga aylanganini va hozirda o‘z kuchlarini yollash va imkoniyatlarini oshirish bo‘yicha saʼy-harakatlarini kuchaytirayotganini taʼkidlagan.
Uning so‘zlariga ko‘ra, guruh so‘nggi olti oy davomida, jumladan, Afg‘oniston va Markaziy Osiyo diasporalarining qo‘llab-quvvatlashi orqali moliyaviy hamda logistika imkoniyatlarini yaxshilagan. Shu munosabat bilan Voronkov BMTga a’zo barcha davlatlarni birlashishga va Afg‘oniston yana terrorchilik bazasiga aylanishining oldini olishga chaqirgan.
“Biroq Afg‘oniston bu kabi xavotirlarni rad etib, mamlakatda ISHID bostirilgani va birorta ham qurolli guruh yo‘qligini qayd etdi”, deya ta’kidlaydi Ariana News nashri.
Afg‘oniston Islom Amirligi vakili Zabihulloh Mujohidning aytishicha, amirlik rasmiylari ISHIDga qarshi kurashgan, endilikda mintaqa davlatlari ham bunga hissa qo‘shishi kerak.
Izoh (0)