Toshkent shahri, Seul ko‘chasi bo‘ylab oqib o‘tuvchi Bo‘rijar kanalining qirg‘og‘idan 9-avgust kuni soat 15:30 larda 1951-yilda tug‘ilgan Sh.A.ning jasadi tan jarohatlarisiz topilgan. Bu haqda Bosh prokuratura matbuot xizmati “Daryo”ga xabar berdi.
Shuningdek, ushbu shaxsning 4-avgust kuni Shayxontohur tumanidagi yashash xonadonidan nomaʼlum tomonga chiqib ketgani bo‘yicha uning oila aʼzolari tomonidan tuman IIO FMBga xabar berilganligi aniqlandi.
Hozirda mazkur holat yuzasidan tergovga qadar tekshiruv harakatlari olib borilmoqda.
Izoh (0)