Kuvayt kompaniyasi Namanganda tibbiyot sohasida laboratoriyalar va farmatsevtika bo‘yicha loyiha amalga oshiradi

Kuvaytning yetakchi kompaniyasi Namanganga tibbiyot yo‘nalishida investitsiya kiritmoqchi, deb xabar bermoqda Namangan viloyati hokimligi axborot xizmati. 

Namangan viloyati hokimi Shavkatjon Abdurazzoqov Kuvaytning Gulf Care General Trade.Co. kompaniyasi vakili bilan uchrashuv o‘tkazdi. 

O‘zaro muloqot davomida xorijiy kompaniya rahbari doktor Eyad Al Salih Zoom orqali onlayn ulandi. 

Suhbat chog‘ida viloyat hokimi Namanganning mavjud investitsion salohiyati haqida maʼlumot berdi. Laboratoriyalar, farmatsevtika yo‘nalishida hamkorlikka qiziqqan Gulf Care General Trade.Co. kompaniyasi vakili ayni paytda “Yangi Namangan” shaharchasi hamda Kosonsoyda bo‘lib, yangi loyihani amalga oshirish bo‘yicha imkoniyatlarni o‘rganmoqda.