Gollivud yulduzlari o‘z muxlislarini hayratda qoldirishdan to‘xtamaydi. Ular ajoyib iste’dodi va rollari bilan birga o‘zlarining bilimi va bir necha tilllarda so‘zlasha olish qobiliyati bilan barchamizga o‘rnak bo‘la oladi. Quyida ona tilidan tashqari boshqa xorijiy tillarda erkin muloqot qila oladigan mashhurlarni ko‘rib chiqamiz.
Tom Hiddlston
Tom Hiddlston raqsga tushish, qo‘shiq aytishdan tashqari xorijiy tillarni o‘rganishni yaxshi ko‘radi. Uning ona tili ingliz tilidir. Tom ispan, fransuz, grek va hatto lotin tillarini ham biladi. Yulduz bularning barchasi unga turli xil rollarni ijro etish uchun yordam beradi, deb ta’kidlaydi.
Natali Portman
“Leon” va “Qora oqqush” filmlari yulduzi Isroilda tug‘ilib o‘sgan bo‘lib, ivrit va ingliz tilidan tashqari yapon, nemis, fransuz va ispan tillarida gaplasha oladi. Garvard universitetini tamomlagan aktrisa bir nechta ilmiy ishlarni yozishni ham uddasidan chiqqan. Fransuz tilida ham ravon so‘zlashishiga uning turmush o‘rtog‘i — fransiyalik Benjamin Milpye sabab bo‘lgan.
Qiziqarli fakt: Natali Portman o‘rgangan yana bir noodatiy til — bu imo-ishora bilan so‘zlashuv edi. 2011-yilda u Pol Makkartnining My Valentine klipida qo‘shiq so‘zlarini imo-ishora bilan tasvirlagan.
Jonni Depp
Jonni Depp aktrisa Vanessa Paradi bilan turmush qurgan, ammo nikoh 14 yildan so‘ng buzildi. Rafiqasi fransiyalik bo‘lgani uchun Depp yillar davomida ushbu tilni tushuna boshlagan. Ularning farzandlari ham ingliz va fransuz tilida erkin muloqot qiladi.
Zoi Saldana
2014-yil sentyabr oyidagi “Cosmopolitan for Latinas” jurnaliga bergan intervyusida aktrisa italiyalik turmush o‘rtog‘i bilan farzandlarini bir necha tilda tarbiyalashini ma’lum qildi. Aktrisa va uning oila a’zolari fransuz, ispan, portugal va ispan kabi tillarni biladi.
Edvard Norton
Devid Fincherning “Jangovar klub” filmi yulduzi fransuz va ispan tillarida ravon so‘zlashadi. Shuningdek, aktyor bolaligida bobosi bilan birga Yaponiyada bir necha yil yashagani uchun yapon tilida ham gaplasha oladi.
Leonardo Di Kaprio
Leonardo Di Kaprioning ikkinchi Vilgelm degan ikkinchi ismi bor. Bundan ma’lum bo‘ladiki, aktyor nemis tilini juda yaxshi biladi. Bunga uning onasi sababchi — aktyorning volidasi Germaniyada tug‘ilgan va Leo bilan kelib chiqishi rus bo‘lgan buvisinikiga tez-tez borib turgan. Aktyor nemis tilida a’lo darajada so‘zlashmasa ham, press-turlar davomida savollarga javob beradigan darajada yaxshi gapira oladi.
Gvinet Peltrou
Gvinet Peltrou uchta til — ingliz, ispan va fransuz tillarida muloqot qila oladi. Aktrisaga ayniqsa ispan tilida so‘zlashish yoqadi, chunki u o‘smirlik chog‘ida oilasi bilan birinchi marta Ispaniyaga borgan va ushbu mamlakatga katta qiziqish uyg‘ongan. Peltrou Ispaniyani shunchalik yaxshi ko‘rar ediki, u deyarli har yili Ispaniyaga tashrif buyurishni odatga aylantirdi. Aktrisa farzandlariga ona tili ispan bo‘lgan enaga yollagan va shu tariqa bolalari ham turli tillarda so‘zlashishiga hissa qo‘shgan.
Izoh (0)