Darhaqiqat, qurilish dunyodagi eng savobli va xayrli ishlardan biri hisoblanadi.
Quruvchilarimizning olijanob mehnati bilan barpo etilayotgan yangi turar-joylar, ishlab chiqarish komplekslari, yo‘l va kommunikatsiya tarmiqlari, yirik infratuzilma obyektlari, maktablar, tibbiy va sport majmualari mamlakatimiz qiyofasini tubdan o‘zgartirib, hayotimizning yanada obod va farovon, fayzli bo‘lishiga xizmat qilmoqda.
Shu munosabat bilam qurilish sohasida faoliyat yuritayotganlarga har qancha tashakkur aytsak arziydi, albatta.
O‘zbekiston Prezidenti Shavkat Mirziyoyev ta’kidlashicha, “el-yurtimiz mohir quruvchi va muhandislar, usta va me'morlarni, loyihachi va pudratchi tashkilotlar vakillarini Yangi O‘zbekiston ravnaqiga munosib hissa qo‘shayotgan fidoyi insonlar deb biladi”.
Bugungi kunda mamlakatimiz qurilish sohasi jadal sur’atlar bilan rivojlanmoqda. Sohaning huquqiy va moddiy-texnik bazasi mustahkamlanib, respublikamizning barcha hududlarida ilg‘or texnologiya va yondashuvlar asosida faoliyat yuritadigan qurilish tashkilotlari paydo bo‘layotgani, qurilish materiallari sanoati yuqori sur’atlar bilan rivojlanayotgani, malakali yetuk kadrlar tayyorlash tizimi yo‘lqa qo‘yilgani shunday deb aytishga asos beradi.
O‘zbekistonda keng turdagi qurilish materiallari ishlab chiqaruvchi va eksport qiluvchi eng yirik korxonalardan biri bo‘lgan AKFA Group mamlakatimizdagi barcha quruvchilarni kasb bayrami bilan chin qalbdan tabriklaydi. Kompaniya barcha hamkorlari va hamkasblariga mustahkam sog‘liq, sharafli va mas’uliyatli faoliyatida yangi muvaffaqiyatlar, tinchlik, ezgulik va baxt-saodat, jonajon O‘zbekistonimiz ravnaqi yo‘lidagi mehnatda kuch-quvvat tilaydi. Barcha ezgu ishlaringizda omad yor bo‘lsin.
Izoh (0)