Shunday ziyrak kino muxlislari borki, ular filmdagi eng kichik xatoni ham o‘tkazib yuborishmaydi. Misol uchun, ular hatto kadrda ko‘rsatilgan mahsulotning yaroqlilik muddatini tekshirishlari ham mumkin.
Natasha Romanoffning eskirgan sendvichi
“Qasoskorlar: xotima” filmining ziyrak tomoshabinlari tufayli Skarlett Yoxanssonning sendvich yeyish sahnasida ko‘z yoshlari to‘kilishining asl sababini taxmin qilish mumkin. Aktrisa nonni yeyishni xohmayotgani sezilib turadi, chunki gazakni tayyorlashda muddati o‘tgan yeryong‘oq moyidan foydalanilgan.
Mahsulotning amal qilish muddati 2018-yilda tugagan — Natasha Romanoff esa 2023-yilda undan sendvich tayyorlashga qaror qiladi, ya’ni biz tomosha qilayotgan voqea sodir bo‘lgan yilda.
O‘z-o‘zidan to‘lib qoladigan qoshiq
“Qulay xonim” komediyasida agent Greysi Hart barda muzqaymoq yegan sahna bor. Shu vaqtda bir hamkasbi va uning hamrohi salomlashish uchun uning oldiga keladi. Ularning suhbati davomida bo‘sh qoshiq to‘satdan muzqaymoq bilan to‘lib qolganini ko‘rish mumkin.
Birdaniga paydo bo‘ladigan kasseta
“Kaskadyorlar” filmida qahramonlar ko‘plab tryuklarni ijro etishadi. Albatta, bunday xavfli daqiqalarda har bir mayda-chuyda detallni nazorat qilib bo‘lmaydi. Misol uchun, yakuniy sahnada Rayan Gosling o‘ynagan bosh qahramon vertolyotdan sakraydi — uning qo‘lida dushmanining gapi yozilgan audiokasseta bo‘ladi. Biroq u yiqilgan kadrlarda qahramonning qo‘llarida hech nima yo‘qligini ko‘rish mumkin. Rayan Gosling batutga sakrab tushganida muhim dalillar qo‘lida paydo bo‘lib qoladi.
O‘rta asrlarda akril tirnoqlar
Tarmoq foydalanuvchilari Penelopa Fezeringtonni vaqt sayohatchisi, deb hazillashadi. Chunki qizning manikyuri O‘rta asrlar davriga to‘g‘ri kelmaydi. Ba’zi sahnalarda Penelopaning tirnoqlari tabiiy ko‘rinishga ega bo‘lsa, boshqalarida qahramonning akril manikyurda yurganini ko‘rish mumkin.
Mo‘jizaviy oyoq kiyimlar
“Arvoh ovchilari” filmida qahramonlardan biri qadimiy sehrga duchor bo‘ladi. Cho‘lda yana bir jodulangan qahramonga duch kelganida ayolning yalangoyoq yurgani yaqqol ko‘rinadi. Biroq u qadimiy iblisning yonidagi o‘rnini egallash uchun zinapoyalarga ko‘tarilayotganda baland poshnali tuflida paydo bo‘ladi. Keyinchalik jodu o‘z kuchini yo‘qotganda poyabzal yana yo‘qolib qoladi.
G‘oyib bo‘lgan sirg‘alar
“Titanik” filmida Jek birinchi darajadagi zodagonlarning kechki ovqatiga keladi, u yerda uni qimmatbaho sirg‘alar taqib olgan Rouz kutib oladi. Ovqatlanish va suhbatdan so‘ng, yoshlar uchinchi darajali salonga raqsga tushish uchun yugurishadi. U yerda Rouz maza qilib raqsga tusha boshlaydi, lekin sirg‘asiz. Uni qachon yechib olgani va qayerga qo‘ygani noma’lum.
Jordanning tezkor harakatlari
Internet foydalanuvchilari e’tiboridan chetda qolmagan “Uoll strit bo‘risi” filmida ham kichik xatolik yuz bergan. Gap Leonardo Di Kaprio qahramoni Margo Robbining yig‘layotgan qahramoni bilan muloqot qilgan sahna haqida bormoqda. Uning qo‘llariga e’tibor bering.
Xotinidan bu xabarni eshitgan Jordan avval qo‘llarini yonoqlariga qo‘yadi, so‘ngra boshini changallaydi. Ammo qahramonni boshqa tomondan ko‘rsatilishi bilanoq, uning qo‘llari yana yonoqlariga tushib qoladi.
Kitob yerga tushmaydi
“Mumiyo”da Evini birinchi marta kutubxonada uchratamiz. Narvonda turgan qiz qo‘lida kitob ushlab, yaqin atrofdagi javonga qo‘yishga harakat qiladi. Lekin kitob qo‘lidan tushib ketsa-da, hech qanday ovoz eshitilmaydi, polda ham birorta kitob ko‘rinmaydi — xuddi shu zahotiyoq yer yutib yuborgandek.
Izoh (0)